Örninn Taylor
Örninn Taylor

Fréttir

Atvinnukylfuberi lék hring á úrtökumóti á 131 höggi yfir pari
Trey Bilardello
Rúnar Arnórsson
Rúnar Arnórsson skrifar
miðvikudaginn 17. júlí 2019 kl. 15:00

Atvinnukylfuberi lék hring á úrtökumóti á 131 höggi yfir pari

Í byrjun vikunnar fóru að berast af því fréttir á samfélagsmiðlum að kylfingur hafi leikið á 194 höggum, eða 123 höggum yfir pari, á úrtökumóti fyrir US Amateur mótið. Þessar tölur eru enn ótrúlegri fyrir þær sakir að hámarks forgjöf til að leika í mótinu var 2,4.

Þegar var var að grennslast nánar fyrir um málið kom í ljós að þetta skor var vissulega rangt. En það var of lágt. Kylfingurinn lék í rauninni á 202 höggum, eða 131 höggi yfir pari. Í ljós kom að galli var í kerfinu sem skráði skorið á mótinu sem olli því að ekki var hægt að setja inn hærra skor en 19 högg á hverri holu. Á mánudagskvöld birti Justin Hueber mynd af skorkortinu á Twitter og kom þá í ljós að kylfingurinn sem um ræðir var Trey Bilardello. 

Bilardello er kylfuberi á PGA mótaröðinni og hefur hann eytt stærstum hluta af tímabili þessa árs sem kylfuberi fyrir Matt Every. Samkvæmt nýjustu skráningum er Bilardello með 2,2 í forgjöf og því afskaplega ótrúlegt að hann leiki einn hring á svona háu skori.  

Fulltrúi bandaríska golfsambandsins (USGA) tjáði fjölmiðlum að skorkortinu hafi verið skilað inn og það undirritað en á þriðjudag, eftir að mótinu var lokið, var Bilardello dæmdur úr leik vegna ósæmilegrar hegðunar. Í ljós kom að Bilardello hafði viljandi slegið misheppnuð högg og meira að segja púttað í átt frá holunni til að fjölga höggunum. Eftir 9 holur á Bilardello að hafa sagt að hann vildi skila inn hæsta skori í sögu bandaríska golfsambandsins. Þrátt fyrir allan þennan högga fjölda náði Bilardello að halda réttum leikhraða sem verður að teljast nokkuð gott afrek.

icelandair til 27 ágúst 640
icelandair til 27 ágúst 640