Charley Hull sigraði eftir frábæran lokahring
Aramco Team Series mótinu lauk í gær í New York.
Charley Hull lék frábærlega á lokahringnum og tryggði sér sigurinn með því að leika á 65 höggum og 12 höggum undir pari samtals.Hennar fyrsti sigur síðan 2019. Enginn annar kylfingur af 10 efstu náði að leika undir 70 höggum.
Höggi á eftir Hull í öðru sæti var Nelly Korda sem lék lokahringinn á 70 höggum. Þriðja var svo Danielle Kang á 9 höggum undir pari.
Samhliða einstaklingskeppninni var einnig liðakeppni. Eftir tvær holur í bráðabana sigraði Lið Jessica Korda lið Sophia Popov.
Í liði Korda voru einnig Karoline Lampert og Lina Boqvist ásamt áhugamanninum Alexandra O'Laughlin.