Emil Þór sló vallarmetið á Tungudalsvelli
Emil Þór Ragnarsson, GKG, gerði sér lítið fyrir og setti nýtt vallarmet á Tungudalsvelli í Ísafirði um helgina þegar hann lék á Sjávarútvegsmótaröðinni.
Leiknir voru tveir hringir í mótinu en Emil lék þann seinni á 5 höggum undir pari eða 67 höggum sem er nýtt vallarmet. Hringurinn byrjaði þó alls ekki vel hjá Emil en hann fékk tvöfaldan skolla á fyrstu holu. Hann svaraði þó vel fyrir það með þremur fuglum á næstu fimm holum og fjórum fuglum í röð á holum 11-15.
Fyrra vallarmetið á Tungudalsvelli var 72 högg og var það sett eftir að vellinum var breytt örlítið í vetur.
Emil stóð uppi sem sigurvegari í mótinu. Hann lék hringina tvo samtals á 2 höggum undir pari og varð þremur höggum betri en Stefán Óli Magnússon sem varð annar.
Hér er hægt að sjá úrslit mótsins.
