Evrópumót drengjalandsliða ekki haldið í ár
Golfsamband Evrópu, EGA, hefur tekið þá ákvörðun að aflýsa Evrópumóti drengjalandsliða (Jean-Louis Dupont Trophy).
Mótið átti að fara fram á dagana 19.-22. október á Parador De El Saler vellinum á Spáni og var Ísland með lið skráð til leiks.
Alls höfðu 18 þjóðir skráð sig til keppni en vegna Covid-19 ástandsins í Evrópu var ákveðið að aflýsa keppninni.
Þjóðirnar sem höfðu skráð sig til leiks voru: Austurríki, Belgía, Tékkland, Danmörk, Eistland, Frakkland, Þýskaland, Ísland, Ítalía, Holland, Noregur, Pólland, Rússland, Slóvakía, Slóvenía, Spánn, Svíþjóð og Sviss.