Evrópumótaröð karla: Wallace í góðum málum fyrir lokahringinn
Þriðji dagur Skoska meistaramótsins fór fram í dag en mótið er hluti af Evrópumótaröð karla. Það er Englendingurinn Matt Wallace sem er í forystu eftir daginn og er staða hans vænleg á fyrir lokahringinn þar sem hann er þremur höggum á undan næsta manni.
Wallace hóf daginn jafn í efsta sæti en fyrir daginn í dag hafði hann aðeins tapað einu höggi. Það varð lítil breyting á því og kom hann í hús á 66 höggum, eða sex höggum undir pari, þar sem hann fékk fjóra fugla, einn örn og restina pör. Eftir daginn er Wallace á samtals 18 höggum undir pari.
Garrick Porteous er einn í öðru sæti á 15 höggum undir pari. Hann lék líkt og Wallace á 66 höggum. Á hringnum í dag fékk hann sjö fugla, einn skolla og restina pör.
Einn í þriðja sæti á 14 höggum undir pari eru Adrian Otaegui. Fyrir daginn var hann jafn Wallace á toppnum en í dag náði hann aðeins að leika á tveimur höggum undir pari og er hann því fjórum höggum á eftir Wallace.