Fyrsti sigur Spieth í tæp 4 ár
Bandaríkjamaðurinn Jordan Spieth sigraði á sunnudaginn á Valero Texas Open mótinu sem fram fór á PGA mótaröðinni í golfi um helgina.
Spieth spilaði hringina fjóra á 18 höggum undir pari og varð að lokum tveimur höggum á undan samlanda sínum Charley Hoffman. Fyrir lokaholuna var Spieth með tveggja högga forystu á Hoffman og því hefði margt getað gerst á par 5 holunni. Spieth fékk hins vegar öruggt par líkt og Hoffman og fagnaði því sínum fyrsta sigri á PGA mótaröðinni frá því hann vann Opna mótið í júlí 2017.
Alls lék Spieth í 83 mótum á 1.351 degi án sigurs áður en 12. sigurinn hans leit dagsins ljós í Texas í gær.
Næta mót á PGA mótaraöðinni er Masters mótið sem fer fram dagana 8.-11. apríl. Spieth sigraði á mótinu árið 2015 og er einn af þeim sem talinn er líklegastur til sigurs í ár eftir góða frammistöðu undanfarna mánuði.
Hér er hægt að sjá lokastöðuna í mótinu.
Sigrar Jordan Spieth á PGA mótaröðinni:
2013 John Deere Classic
2015 Valspar Championship
2015 Masters Tournament
2015 U.S. Open
2015 John Deere Classic
2015 The Tour Championship
2016 Hyundai Tournament of Champions
2016 Dean & DeLuca Invitational
2017 AT&T Pebble Beach Pro-Am
2017 Travelers Championship
2017 The Open
2021 Valero Texas Open
