Golfgleði á konukvöldi í Leirunni
Konur í Golfklúbbi Suðurnesja fylltu golfskálann í Leiru á árlegu konukvöldi nýlega. Gleðin var allsráðandi en kvennastarfið í GS er mjög öflugt og hefur vaxið mikið á undanförnum árum.
GS konur skáluðu í fordrykk frá Blue Car og nutu veitinga auk þess sem boðið var upp á tískusýningu á fatnaði frá Golf Company. Happdrætti og stuð og fleira skemmtilegt var á konukvöldinu og hér eru nokkrar myndir af GS konum sem skemmtu sér vel.


