Guðmundur keppir á Írlandi
Guðmundur Ágúst Kristjánsson komst inn á mót vikunnar á Áskorendamótaröðinni í golfi. Mótið ber heitið Stone Irish Challenge og fer fram hjá golfklúbbnum Headfort á Írlandi dagana 10.-13. október.
Mótið í vikunni verður sjötta mót Guðmundar á Áskorendamótaröðinni á þessu tímabili og það fimmta frá því að hann tryggði sér þátttökurétt á þessari næst sterkustu mótaröð Evrópu.
Besti árangur GR-ingsins kom í september þegar Guðmundur endaði í 13. sæti á Opna Bretagne mótinu í Frakklandi.
Fyrir mót vikunnar er Guðmundur í 139. sæti stigalistans en hann verður með þátttökurétt á mótaröðinni á næsta ári óháð stöðu á listanum í lok tímabils.
