Háskólagolfið: Eva endaði í 13. sæti á Texas State Invitational
Eva Karen Björnsdóttir GR og liðsfélagar hennar í ULM skólanum kepptu dagana 10.-11. febrúar á Texas State Invitational mótinu sem er hluti af bandaríska háskólagolfinu.
Eva Karen endaði sjálf í 13. sæti í einstaklingskeppninni á 11 höggum yfir pari en hún lék hringina þrjá á 76, 78 og 73 höggum.
Á heimasíðu ULM er sérstaklega rætt um góða spilamennsku Evu Karenar og Shani White sem léku best í liðinu en um var að ræða besta árangur Evu í háskólagolfinu.
Skorkort Evu á lokahringnum.
Næsta mót hjá ULM skólanum fer fram dagana 10.-11. mars þegar liðið spilar á Mary Kauth Invitational.