Heimslisti karla: Schauffele aldrei verið ofar | Casey fimmti efsti Evrópubúinn

Heimslisti karla hefur verið uppfærður eftir mót helgarinnar. Dustin Johnson heldur efsta sætinu en hann var ekki á meðal keppenda. Hann hefur nú verið í efsta sætinu samfleytt í 24 vikur og samtals í 115 vikur. Johnson verður á meðal keppenda á Saudi International mótinu á Evrópumótaröðinni sem hefst á fimmtudaginn og getur hann þá bætt stöðu sína í efsta sætinu.

Xander Schauffele er kominn í fjórða sætið eftir að hafa endaði jafn í öðru sæti á Farmers Insurance mótinu og hefur hann aldrei verið ofar á heimlistanum.

Patrick Reed fagnaði sigri á Farmers Insurance mótinu og er hann aftur kominn á meðal 10 efstu. Hann fór úr 11. sætinu í það 10. en hann hefur hæst komist í sjötta sætið.

Paul Casey vann Omega Dubai Desert Classic mótið örugglega á Evrópumótaröðinni og er hann nú kominn í 16. sætið eftir að hafa verið í 27. sætinu fyrir helgi. Hann er fimmti hæsti Evrópubúinn á listanum en stigasöfnun fyrir Ryder Bikarinn hófst nú fyrir skömmu.

Staða fimm efstu mann má sjá hér að neðan en listann í heild sinni má nálgast hérna.

Xander Schauffele