Horschel sigraði á Wentworth
Bandaríkjamaðurinn Billy Horschel sigraði á BMW PGA Championship mótinu sem lauk á Wentworth í dag.
Horschel lék lokahringinn á sjö höggum undir pari og varð einu höggi á undan Kiradech Aphibarnrat, Jamie Donaldson og Laurie Canter.
Englendingurinn Justin Rose endaði í 6. sæti mótsins ásamt tveimur öðrum og gæti hafa gert nóg til þess að spila sig inn í Ryder lið Evrópumanna sem valið verður í vikunni.