Keilir í 19. sæti eftir fyrsta hringinn á EM
Benedikt Sveinsson, Helgi Snær Björgvinsson og Henning Darri Þórðarson hófu í dag leik fyrir hönd Golfklúbbsins Keilis á EM klúbbaliða sem fer fram dagana 25.-27. október í Frakklandi.
Helgi Snær lék best í liðinu á fyrsta deginum en hann spilaði á 75 höggum (+4) og er jafn í 39. sæti í einstaklingskeppninni. Benedikt lék á 77 höggum (+6) og er jafn í 52. sæti. Skor Hennings taldi ekki en hann lék á 79 höggum (+8).
Skorkort strákanna.
Castle Royle klúbburinn frá Englandi er í forystu á 7 höggum undir pari. Keilismennirnir eru í 19. sæti á 10 höggum yfir pari.
Leikið er á Chateaux golfvellinum í Frakklandi. Leiknir eru þrír hringir mótinu og er leikfyrirkomulag mótsins höggleikur.
Hér er hægt að sjá stöðuna í mótinu.
