LET ACCESS: Berglind og Guðrún hefja leik á morgun
Atvinnukylfingarnir Berglind Björnsdóttir og Guðrún Brá Björgvinsdóttir hefja á morgun leik á Skafto Open mótinu á LET Access mótaröðinni. Mótið fer fram í Svíþjóð dagana 13. - 15. júní.
Berglind og Guðrún voru báðar með á Opna finnska mótinu í síðustu viku og var Guðrún þá í toppbaráttunni en endaði að lokum í 8. sæti. Guðrún hefur leikið í 5 mótum á LET Access mótaröðinni á þessu tímabili og er í 28. sæti stigalistans með 3.261 stig. Berglind hefur leikið í 6 mótum á tímabilinu en situr í 154. sæti stigalistans með 230 stig.
