LPGA: Korda leiðir í Flórída
Hin bandaríska Jessica Korda er í forystu eftir fyrsta daginn á Gainbridge LPGA at Boca Rio mótinu sem hófst í dag á LPGA mótaröðinni. Um er að ræða annað mótið á tímabilinu en Gaby Lopez sigraði á fyrsta mótinu sem fór fram um síðustu helgi.
Korda lék fyrsta hringinn á 6 höggum undir pari og er tveimur höggum á undan þremur kylfingum. Korda fékk alls 8 fugla og 2 skolla á hringnum í dag en hún hóf leik á 10. teig og kláraði því hrinignn á tveimur fuglum í röð.
Skorkort Korda á fyrsta hringnum.
Sei Young Kim, Yui Kawamoto og Patty Tavatanakit eru jafnar í öðru sæti á 4 höggum undir pari. Flestir kylfingar náðu að klára fyrsta hringinn í dag en eftir mikla rigningu var ákveðið að fresta fyrsta hringnum til morguns og því klára síðustu kylfingar hringinn á morgun, föstudag.
Hér er hægt að sjá stöðuna í mótinu.
Staða efstu kylfinga:
1. Jessica Korda -6
2. Sei Young Kim -4
2. Yui Kawamoto -4
2. Patty Tavatanakit -4
5. Lindsey Weaver -3
5. Carlota Ciganda -3
5. Xiyu Lin -3