Óþekktur Þjóðverji stal sigrinum

Þjóðverjinn Freddy Schott vann sinn fyrsta DP World Tour-titil á sunnudaginn þegar hann hafði betur gegn Calum Hill og Patrick Reed í dramatísku umspili á Bapco Energies Bahrain mótinu um síðustu helgi.

Hill hafði verið í forystu fram á lokadag. Þegar allir höfðu lokið leik voru þemenningarnir jafnir á 17 höggum undir pari eftir 72 holur, en Reed lék lokahringinn á 67 höggum og vann upp fjögurra högga forskot sem Hill hafði á hann fyrir daginn. Hill hafði byrjað daginn með tveggja högga forystu. Skotinn varð að sætta sig við 71 högg eftir að hafa fengið skolla á erfiðu lokaholunni, á meðan Schott lék á 69 höggum og komst í umspilið með þeim.

Á fyrstu holu umspilsins fékk Reed skolla og féll úr leik. Upphafshögg Hills á 74. holu hans fór síðan út fyrir völlinn og þaðan í vatn. Sá sem hafði leitt mótið yfir nóttina gafst þá drengilega upp án þess að láta Schott pútta fyrir sigrinum.

Miklar sviptingar urðu á sunnudeginum. Þessi 24 ára gamli kylfingur fékk fjóra fugla á fyrstu sjö holunum áður en skolli á áttundu holu og tvöfaldur skolli á þeirri elleftu hægðu á honum. Honum gafst ekki upp og fékk fugl á næstu tveimur holum og þrátt fyrir að tapa öðru höggi á 17. holu náði hann að komast í umspil og halda draumnum um fyrsta sigurinn lifandi.

Sigurinn í 91. móti hans á DP World Tour lyftir Schott upp í efstu tíu sætin á Race to Dubai-stigalistanum á þessu tímabili 1og færir hann úr 436. sæti á heimslista karla í golf upp fyrir 200. sætið.

Þjóðverjinn viðurkennir að taugarnar hafi verið vel þandar á síðustu níu holunum. „Þetta er magnað og ég á engin orð. Tilfinningin að sigra er svo sérstök. Við sjáum hvað gerist í framtíðinni,“ sagði Scott.