Ragnar Már lék vel í Noregi
Þrír Íslendingar á Ecco mótaröðinni
Þrír íslenskir kylfingar leika á Moss & Rygge Open á Ecco-mótaröðinni (Nordic Golf League) í vikunni en leikið er í Noregi. Ragnar Már Garðarsson úr GKG , lauk leik nú fyrir skömmu. Ragnar kom í hús á 71 höggi eða 1 höggi undir pari vallarins og er sem stendur í 15.-32. sæti. Enn eiga margir kylfingar eftir að ljúka leik.
Ragnar Már lék stöðugt golf og fékk tvo fugla og einn skolla á hringnum.
Andri Þór Björnsson úr GR, lék fyrr í dag á 76 höggum eða á 4 höggum yfir pari vallarins.
Hinn danski, Magnus A. Østergaard leiðir í klúbbhúsi sem stendur á 6 höggum undir pari.
Gísli Sveinbergsson úr GK er enn úti á velli en hann var á pari eftir fyrri níu holur sínar í dag.
