Sam Burns sigraði á Sanderson Farms
Keppni á Sanderson Farms mótinu lauk í gær í Jackson Mississippi.
Sam Burns lék á 22 höggum undir pari og sigraði með eins höggs mun. Næstir komu Nick Watney og Cameron Young.
Burns vann þar með sinn annan sigur á mótaröðinni en hann hafði áður sigrað á Valspar mótinu í maí.
Nick Watney sem endaði í öðru sæti var lengi einn af fremstu kylfingum heims en hefur átt í vandræðum með leik sinn síðustu ár. Hans síðasti sigur á mótaröðinni kom árið 2012 en spilamennskan í þessu móti gefur vonandi fyrirheit um bjartari tíma.