Sveiflukenndur dagur hjá Guðmundi
Þriðji hringur D+D Real Czech Challenge mótsins var leikinn í dag en Guðmundur Ágúst Kristjánsson atvinnukylfingur úr GR er á meðal keppenda. Hringurinn var nokkuð sveiflukenndur og er Guðmundur jafn í 56. sæti fyrir lokadaginn
Á hringnum í dag fékk Guðmundur fjóra fugla en á móti fékk hann þrjá skolla og tvo skramba. Hann endaði því á 75 höggum, eða þremur höggum yfir pari.
Eftir daginn er Guðmundur samtals á einu höggi yfir pari. Eins og áður sagði er hann jafn í 56. sæti en lokadagur mótsins er leikinn á morgun.
