Verðlaunafé á Opna bandaríska kvennamótinu næstum tvöfaldað
Bandaríska golfsambandið hefur sent frá sér tilkynningu þar sem fram kemur að heildar verðlaunafé Opna bandaríska kvennamótsins verði aukið úr 5,5 milljónum dollara í 10 milljónir dollara. Á næstu fimm árum verður svo verðlaunaféð aukið í 12 milljónir dollara.
Sigurvegari mótsins fær í sinn hlut 1,8 milljónir dollara en aðeins þrír leikmenn náðu að þéna hærri upphæð á öllu síðasta tímabili.
Frábært skref í rétta átt hjá Golfsambandi Bandaríkjanna.
Svona skiptist verðlaunafé risamóta kvenna á þessu tímabili:
U.S. Women’s Open: $10 milljónir
AIG Women's Open: $6.8 milljónir
Chevron Championship: $5 milljónir
KPMG Women's PGA Championship: $4.5 milljónir
Evian Championship: $4.5 milljónir