Birgir Björn Magnússon sigraði á Shark Invitational
Lék stöðugt golf allt mótið.
Birgir Björn Magnússon, GK, sigraði á Shark Invitational mótinu í í efstu deild NCAA í háskólagolfinu í Bandaríkjunum. Birgir lék hringina þrjá á 210 höggum (70-70-70) eða á 3 höggum undir pari vallarins á Brookville Country Club í New York ríki.
Birgir var útnefndur Missouri Valley Conference kylfingur vikunnar fyrir vikið.
Lokastaðan í einstaklingskeppninni
Lið Birgis, Southern Illinois, hafnaði í öðru sæti á mótinu á samtals 7 höggum yfir pari, einu höggi á eftir Long Island University sem stóð uppi sem sigurvegari.
Það verður sannarlega gaman að fylgjast með þessum efnilega kylfingi í framtíðinni.
