Bjarni Þór valinn vallarstjóri ársins 2017
Í flokki golfvalla.
Aðalfundur samtaka íþrótta- og golfvallastarfsmanna á Íslandi var haldinn á dögunum. Þar var Bjarni Þór Hannesson valinn vallarstjóri ársins 2017 í flokki golfvalla.
Bjarni Þór hefur starfað sem vallarstjóri hjá Golfklúbbnum Keili frá árinu 2012 og má segja að Hvaleyrarvöllur hafi verið í frábæru ástandi nær allan þann tíma. Á síðasta ári voru svo þrjár nýjar holur teknar í notkun á vellinum sem þóttu vel heppnaðar.
Kristinn V. Jóhannsson, vallarstjóri Laugardalsvallar, var valinn vallarstjóri ársins í flokki knattspyrnuvalla en þetta er í fjórða skiptið sem Kristinn hlýtur þessi verðlaun. Hann fékk þau einnig árin 2012, 2013 og 2014.
