Evrópumótaröð kvenna: Valdís í 17. sæti eftir fyrsta dag
Valdís Þóra Jónsdóttir GL er jöfn í 17. sæti eftir fyrsta hringinn á Investec SA Women's Open sem fer fram á Evrópumótaröð kvenna í golfi.
Valdís Þóra hóf leik á 10. holu í dag og lék hringinn á pari eða 72 höggum. Hún fékk þrjá skolla og þrjá fugla og er í 17.-28. sæti af þeim 132 kylfingum sem taka þátt.
Skorkort Valdísar.
Eftir fyrsta hringinn er Valdís einungis þremur höggum á eftir efsta kylfingi og því til alls líkleg um helgina.
Fyrr í dag lék Guðrún Brá eins og Kylfingur greindi frá sinn fyrsta hring en hún er meðal neðstu kylfinga. Guðrún fékk sex skolla og tvo tvöfalda skolla en aðeins tvo fugla og lauk hringnum á 80 höggum, átta yfir pari.