Guðrún leikur í Svíþjóð - Guðmundur og Haraldur í Hollandi
Nokkrir af atvinnukylfingunum okkar verða í eldlínunni í vikunni.
Guðrún Brá Björgvinsdóttir leikur á Didriksons Skaftö Open á Evrópumótaröð kvenna. Mótið fer fram í Fiskebackskil á velli Skafto golfklúbbsins og hefst á föstudaginn.
Völlurinn er nokkuð athyglisverður þar sem hann er par 69 og aðeins 4.782 metrar.
Guðmundur Ágúst og Haraldur Franklín spreyta sig á B-NL Challenge Trophy sem fram fer í Spijk í Hollandi. Þeir hefja báðir leik snemma í fyrramálið.
The Dutch völlurinn í Spijk er par 71 og 6.369 metrar að lengd og því frekar í styttri kantinum en mikið um torfærur eins og sjá má í meðfylgjandi myndbandi.