Hlynur Geir og Nína Björk Íslandsmeistarar 35+
Íslandsmótinu í höggleik lauk í gær og líkt og fram hefur komið voru það þau Guðmundur Ágúst Kristjánsson og Guðrún Brá Björgvinsdóttir sem fögnuðu sigri. Sú nýbreytni var á þetta árið að samhliða Íslandsmótinu var einnig leikið um Íslandsmeistaratitil 35 ára og eldri.
Þetta var í 20. sinn sem keppt er um Íslandsmeistaratitil í karla- og kvennaflokki 35 ára og eldri.
Að þessu sinni voru það þau Hlynur Geir Hjartarson úr GOS og Nína Björk Geirsdóttir úr GM sem fögnuðu sigri.
Hlynur Geir lék hringina fjóra á 287 höggum, eða þremur höggum yfir pari. Hann var um tíma í baráttunni um sjálfan Íslandsmeistaratitilinn en endaði að lokum í 12.-13. sæti.
Nína Björk lék hringina fjóra á 290 höggum eða sex höggum yfir pari. Líkt og Hlynur var Nína í baráttunni um sjálfan Íslandsmeistaratitil allt fram á lokaholurnar og varð að láta sér þriðja sætið duga.
Íslandsmeistarar 35+ frá upphafi:
2000: Jón Haukur Guðlaugsson (1) / Þórdís Geirsdóttir (1)
2001: Jón Haukur Guðlaugsson (2) / Þórdís Geirsdóttir (2)
2002: Tryggvi Valtýr Traustason (1) / Þórdís Geirsdóttir (3)
2003: Ólafur Hreinn Jóhannesson (1) / Þórdís Geirsdóttir (4)
2004: Einar Long (1) / Þórdís Geirsdóttir (5)
2005: Tryggvi Valtýr Traustason (2) / Anna Jódís Sigurbergsdóttir (1)
2006: Sigurbjörn Þorgeirsson (1) / Þórdís Geirsdóttir (6)
2007: Sigurbjörn Þorgeirsson (2) / María Málfríður Guðnadóttir (1)
2008: Sigurbjörn Þorgeirsson (3) / Ásgerður Sverrisdóttir (1)
2009: Arnar Sigurbjörnsson (1) / Andrea Ásgrímsdóttir (1)
2010: Sigurjón Arnarsson (1) / Þórdís Geirsdóttir (7)
2011: Tryggvi Valtýr Traustason (3) / Þórdís Geirsdóttir (8)
2012: Nökkvi Gunnarsson (1) / Ólöf María Jónsdóttir (1)
2013: Einar Lyng Hjaltason (1) / Þórdís Geirsdóttir (9)
2014: Tryggvi Valtýr Traustason (4) / Ragnhildur Sigurðardóttir (1)
2015: Gunnar Geir Gústavsson (1) / Hansína Þorkelsdóttir (1)
2016: Nökkvi Gunnarsson (2) / Þórdís Geirsdóttir (10)
2017: Björgvin Þorsteinsson (1) / Sara Jóhannsdóttir (1)
2018: Sigmundur Einar Másson (1) / Svala Óskarsdóttir (1)
2019: Hlynur Geir Hjartarson (1) / Nína Björk Geirsdóttir (1)
