Léku golf í 24 tíma fyrir MND félagið á Íslandi
Feðgarnir Oddur Sigurðsson, Jón Bjarki Oddsson og Sigurður Pétur Oddssson léku um síðustu helgi maraþongolf á Hlíðavelli hjá Golfklúbbi Mosfellsbæjar. Þeir spiluðu samfleytt í 24 klukkustundir frá því klukkan 18:00 á föstudaginn til klukkan 18:00 á laugardaginn.
Markmiðið með áskoruninni var að vekja athygli á MND heyfitaugahrörnunar sjúkdómnum og á sama tíma safna styrkjum fyrir MND félagið á Íslandi. Félagið vinnur að velferð þeirra sem haldnir eru sjúkdómnum eða öðrum vöðva- og taugasjúkdómum með sömu eða svipaðar afleiðingar.
Feðgarnir fengu til sín frábæra félaga sem léku hver 9 holur með þeim eins og sjá má á meðfylgjandi myndum.
„Við sem þurfum MND félagið á Íslandi sem bakhjarl getum ekkert nema eiga svona bakhjarla að,“ segir Guðjón Sigurðsson í tilkynningu um málið. „Við þökkum ykkur öllum sem tóku þátt, öllum styrktaraðilum og ekki síður þeim sem eru að heita á félagið. Takk Golfklúbbur Mosfellsbæjar fyrir að leyfa okkur að spila frítt á vellinum.
Enn er hægt að styrkja málefnið:
Rn: 0516-05-410900
Kt: 630293-3089
Á myndinni eru frá vinstri: Davíð Gunnlaugsson, Oddur Sigurðsson, Gudjon Sigurdsson, Jón Bjarki Oddsson, Sigurður Pétur Oddsson, Magnús Lárusson og Ægir Lúðvíksson.
