LPGA: Nelly Korda heldur áfram að leika vel
Fyrsti hringur Lotte Championship mótinu fór fram í nótt á Hawaii. Mótið er hluti af LPGA mótaröðinni og eru margir af bestu kylfingum heims meðal keppenda.
Hin bandaríska Nelly Korda fór best af stað í mótinu og kom inn á 9 höggum undir pari. Hún er með eins höggs forystu á Eyn Hee Ji sem er á 8 höggum undir pari og tveggja högga forystu á þær Hyejin Choi og Brooke M. Henderson.
Korda fékk alls 9 fugla á hringnum og tapaði ekki höggi. Hún er nú þegar búin að sigra á einu móti á tímabilinu en sá sigur kom 17. febrúar á ISPS Handa Women's Australian Open.
Efsti kylfingur heims, Jin Young Ko, lék fyrsta hringinn á 3 höggum undir pari og er jöfn í 29. sæti.
Alls eru leiknir fjórir hringir í mótinu sem lýkur 20. apríl. Hér er hægt að sjá stöðuna í mótinu.
