Myndband: Verstu höggin á Masters

Dustin Johnson sló mótsmetið á Masters mótinu um síðustu helgi þegar hann spilaði hringina fjóra á 20 höggum undir pari. Fjölmargir kylfingar léku vel í mótinu og voru til að mynda 43 kylfingar undir pari í mótinu.

Á heimasíðu Masters mótsins var hins vegar hægt að sjá öll golfhögg allra keppenda og var því nokkuð auðvelt fyrir aðdáendur að setja saman myndband af verstu höggum mótsins eins og sjá má í myndbandinu hér fyrir neðan.

Í myndbandinu má sjá högg frá Rory McIlroy, Jon Rahm, Justin Thomas og Colin Morikawa svo einhver dæmi séu tekin.