Þrír íslenskir keppendur á Italian Challenge
Bjarki Pétursson, Guðmundur Ágúst Kristjánsson og Haraldur Franklín Magnus eru allir á meðal keppenda á Italian Challenge mótinu á Áskorendamótaröð Evrópu sem hefst á morgun.
Guðmundur verður ræstur út fyrstur Íslendinganna klukkan 7.40 að staðartíma og Bjarki 10 mínútum síðar. Haraldur Franklín slær svo sitt fyrsta högg klukkan 9.30.
Guðmundur Ágúst situr í 94. sæti peningalistans á mótaröðinni, Haraldur í því 74. en Bjarki er ekki enn kominn með stig á listanum.
