Úrtökumótin: Aron Bjarki í erfiðri stöðu eftir tvo hringi
Aron Bjarki Bergsson er á fimm höggum yfir pari eftir tvo hringi á 1. stigs úrtökumóti í Arlandastad í Svíþjóð. Ljóst er að hann þarf að leika vel næstu daga til þess að halda áfram á 2. stig úrtökumótanna.
Eftir fyrsta hring mótsins var Aron í fínum málum á pari vallarins en hann gaf aðeins eftir á seinni níu holunum í dag þar sem hann kom inn á 4 höggum yfir pari og á fimm höggum yfir pari í heildina.
Aron er jafn í 38. sæti í mótinu af 57 keppendum en alls komast um 20% kylfinga áfram af hverjum stað að fjórum hringjum loknum.
