Frans, Svala og Þórdís keppa í Evrópumóti í Sviss
Þrír íslenskir kylfingar eru á meðal keppenda á Evrópumóti eldri kylfinga sem fer fram í Sviss dagana 13.-15. júní.
Kylfingarnir sem um ræðir eru þau Frans Páll Sigurðsson, GR, Svala Óskarsdóttir, GL, og Þórdís Geirsdóttir, GK.
Leiknir verða þrír hringir í karla- og kvennaflokki og komast 54 efstu karlkylfingarnir áfram að tveimur hringjum loknum á meðan 33 efstu í kvennaflokki komast áfram.
Leikið er á Patriziale Ascona svæðinu í Sviss og spila keppendur mótsins á hvítum og bláum teigum.
Bandaríkjamaðurinn Mark Gardiner er með lægstu forgjöf allra keppenda en hann er með +2,1 í forgjöf.