GOS leikur í 1. deild að ári eftir sigur í 2. deild
Golfklúbbur Selfossar fagnaði í dag sigri í 2. deild karla á Íslandsmóti golfklúbba. GOS hafði betur gegn Nesklúbbnum í úrslitaleiknum og leikur því í efstu deild á næsta ári. Leikið var á Garðavelli hjá Golfklúbbinum Leyni á Akranesi.
Úrslitaleikurinn fór þannig að GOS vann sér inn 3,5 vinning á meðan Nesklúbburinn fékk 1,5. Leikirnir sem féllu GOS-mönnum í vil unnust nokkuð örugglega.
Í leiknum um þriðja sætið léku Golfklúbbur Setbergs á móti sveit Golfklúbbs Öndverðarness. Svo fór að lokum að GÖ hafði betur 3-2 og tryggði sér þar með bronsverðlaunin.
Golfklúbbur Húsavíkur endaði í 8. sæti og leikur því í 3. deild að ári liðnu.
Öll nánari úrslit má nálgast hérna.
Lokastaðan í 2. deild karla á Íslandsmóti golfklúbba:
1. Golfklúbbur Selfoss
2. Nesklúbburinn
3. Golfklúbbur Öndverðarness
4. Golfklúbbur Setbergs
5. Golfklúbburinn Oddur
6. Golfklúbbur Skagfirðinga
7. Golfklúbbur Kiðjabergs
8. Golfklúbbur Húsavíkur
Golfklúbbur Öndverðarness.