Guðrún lék lokhringinn á 72 höggum
Íslandsmeistarinn í höggleik síðustu þriggja ára Guðrún Brá Björgvinsdóttir lék lokahring Flumserberg Ladies Open mótsins á 72 höggum. Hún endaði mótið jöfn í 14. sæti en mótið er hluti af LET Access mótaröðinni.
Guðrún hóf leik á 10. braut í dag og átti erfitt uppdráttar á fyrstu níu holunum en að þeim loknum var hún komin á þrjú högg yfir par. Hún náði þó að snúa blaðinu við á síðari níu holunum og nældi sér í þrjá fugl. Guðrún endaði því hringinn á pari líkt og í gær. Mótið endaði Guðrún jöfn í 14. sæti eins og áður sagði á þremur höggum undir pari.
Flottur árangur hjá Guðrúnu sem mun í næstu viku leika á Swiss Ladies Open mótinu á Evrópumótaröð kvenna og er hún til alls líkleg í því móti.
