Heimslisti karla: Burns í fyrsta sinn á meðal 50 efstu
Nýr og uppfærður heimslisti var birtur í gær og eru litlar breytingar á efstu mönnum. Dustin Johnson er sem fyrr í efsta sætinu og hefur hann nú setið í efsta sætinu samfleytt í 37 vikur. Hann hefur einnig verið samtals í 128 vikur á toppnum sem er þriðji besti árangur sögunnar.
Sam Burns fagnaði sínum fyrsta sigri á PGA mótaröðinni þegar að hann bar sigur úr býtum á Valspar meistaramótið. Fyrir mótið var hann í 94. sæti listans og hafði best komist í 78. sætið en eftir sigurinn er Burns nú kominn í 44. sæti listans.
Suður-Afríkubúinn Dean Burmester fagnaði sigri á Tenerife Open mótinu á Evrópumótaröðinni. Hann fór úr 168. sæti upp í 107. sæti.
Listann í heild sinni má nálgast hérna.