Heimslisti karla: Reed kominn upp í 8. sæti
Heimslisti karla hefur verið uppfærður eftir mót helgarinnar á sterkustu mótaröðum heims. Nokkrar breytingar eru á 10 efstu sætunum en þar ber helst að nefna að Patrick Reed er aftur kominn upp í topp-10 og situr nú í 8. sæti.
Reed sigraði á Heimsmótinu í Mexíkó sem fór fram á Heimsmótaröðinni og fór þar fyrir vikið úr 14. sæti upp í 8. sætið.
Rory McIlroy er sem fyrr í efsta sætinu en nú er Jon Rahm mættur í 2. sætið og fer upp fyrir Brooks Koepka. Rahm og McIlroy voru báðir í toppbaráttunni í Mexíkó um helgina en McIlroy hefur nú verið í 98 vikur í efsta sæti heimslistans.
Staða efstu manna er eftirfarandi þann 24. febrúar:
1. Rory McIlroy
2. Jon Rahm
3. Brooks Koepka
4. Justin Thomas
5. Dustin Johnson
6. Adam Scott
7. Patrick Cantlay
8. Patrick Reed
9. Webb Simpson
10. Tiger Woods
