Heimslisti kvenna: Thompson styrkir stöðu sína í 4. sæti

Hin bandaríska Lexi Thompson er enn í fjórða sæti heimslista kvenna í golfi þrátt fyrir sigurinn á Shoprite LPGA Classic mótinu sem fór fram um helgina á LPGA mótaröðinni.

Thompson er nú með 6,34 stig og nálgast Sung Hyun Park sem er í þriðja sætinu með 6,37 stig.

Jin-Young Ko er sem fyrr í efsta sætinu og hefur nú vermt efsta sætið í 10 vikur.

Af íslensku kylfingunum tók Guðrún Brá Björgvinsdóttir stærsta stökkið milli vikna eftir flottan árangur á LET Access mótaröðinni. Guðrún situr nú í 790. sæti heimslistans en var í 841. sæti fyrir helgi.

Hér er hægt að sjá stöðuna á heimslista kvenna í golfi.