Lee6 með afgerandi forystu fyrir lokadaginn
Jeongeun Lee6 er með 5 högga forskot eftir þriðja dag Evian risamótsins í Frakklandi. Lee6 lék á 3 höggum undir pari í dag og jók forystu sína um tvö högg. Hún er því í ansi vænlegri stöðu fyrir lokahringinn á morgun á 18 höggum undir pari samtals.
Yealimi Noh er í öðru sæti á 13 höggum undir pari og næst á eftir henni er Lydia Ko á 12 höggum undir.
Lee6 hefur sigrað á einu risamóti til þessa, Opna bandaríska árið 2019 og er nú í kjörstöðu til að bæta öðrum risatitli í safnið.