LPGA: Hur tók forystuna
Annar dagur Taiwan Swinging Skirts mótið var leikinn í nótt og er það Mi Jung Hur sem er í forystu eftir daginn. Hur var jöfn Nelly Korda fyrir daginn er nú kominn með eins höggs forystu.
Hur lék á 66 höggum annan daginn í röð. Hún byrjaði hringinn með miklum látum en hún fékk fimm fugla á fyrstu sex holunum. Hún bætti við tveimur fuglum til viðbótar það sem eftir lifði hrings og tapaði einu höggi. Hringinn endaði hún því á sex höggum undir pari og er samtals á 12 höggum undir pari.
Korda lék á 67 höggum í dag eða fimm höggum undir pari. Á hringnum fékk hún fimm fugla og restina pör. Hún er ein í öðru sæti á 11 höggum undir pari.
