Myndband: Fleetwood fór holu í höggi á 17.

Players meistaramótið, stærsta mót ársins haldið af PGA mótaröðinni, hófst í morgun. Fyrstu menn hafa nýlokið við fyrri níu holurnar og eru efstu menn á fjórum höggum undir pari.

Tommy Fleetwood er á meðal keppenda en hann hefur ekki leik fyrr en klukkan 14:02 að staðartíma, sem er 18:02 að íslenskum tíma.

Líkt og alltaf fer mótið fram á hinum sögufræga velli TPC Sawgrass en hann er eflaust hvað þekktastur fyrir 17. holuna. Holan er stutt par 3 hola en kylfingar þurfa þar að slá á eyju sem er um 120 metra frá teignum. Fleetwood gerði sér lítið fyrir og fór holu í gær á æfingahring og þrátt fyrir að um æfingahring hafi verið að ræða þá voru gríðarleg fagnaðarlæti.

Myndband af atvikinu má sjá hér að neðan.