Opið kvennamót á Hellu og Kríumót á Snæfellsnesi
Fyrstu opnu mót ársins verða um helgina en þá geta kylfingar farið í Kríumót hjá Golfklúbbi Staðarsveitar á Snæfellsnesi og konum stendur til boða Opna Lancome kvennamótið á Hellu.
Nokkrir vellir hafa tilkynnt opnun á sumarflatir næstu daga, m.a. Hamarsvöllur í Borgarnesi. Nágranni hans á Akranesi, Garðavöllur verður opnaður 16. maí en var með foropnun fyrir félaga í vikunni.
Eins og komið hefur fram í fréttum á kylfingi.is er ástand valla mjög víða mun verra en oft áður og því nokkrir dagar í opnun eða jafnvel vikur.