Rahm valinn kylfingur ársins á Evrópumótaröð karla
Spánverjinn Jon Rahm var í dag valinn kylfingur ársins 2019 á Evrópumótaröð karla eftir frábært tímabil.
Meðal afreka Rahm á árinu voru sigrar hans á Opna írska mótinu, Opna spænska mótinu og lokamóti tímabilsins, DP World Tour Championship. Þá varð Rahm í öðru sæti á BMW PGA meistaramótinu, níunda sæti á Masters, þriðja sæti á Opna bandaríska og öðru sæti á Valderrama Masters.
Rahm varð stigameistari á Evrópumótaröðinni eftir baráttu gegn Tommy Fleetwood sem varð í öðru sæti annað árið í röð.
Rahm er þriðji Spánverjinn sem hlýtur þessa nanfbót en áður höfðu þeir Seve Ballesteros (1986, 88, 91) og Sergio Garcia (2017) verið valdnir kylfingar ársins.
Kylfingar ársins á Evrópumótaröð karla síðustu 10 ár:
2019: Jon Rahm
2018: Francesco Molinari
2017: Sergio Garcia
2016: Henrik Stenson
2015: Rory McIlroy
2014: Rory McIlroy
2013: Henrik Stenson
2012: Rory McIlroy
2011: Luke Donald
2010: Martin Kaymer & Graeme McDowell