Sigmundur Einar keppti á Evrópumóti áhugamanna
Sigmundur Einar Másson úr GKG tók þátt á Evrópumóti áhugamanna fyrir 30 ára og eldri á dögunum.
Sigmundur Einar vann sér inn keppnisrétt á þessu móti með sigri sínum á Íslandsmóti +35 sem fram fór í fyrra í Grindavík.
Evrópumót 30 ára og eldri fór fram í Finnlandi og voru leiknar 54 holur með niðurskurði eftir 36 holur. Sigmundur náði niðurskurðinum og endaði í 41. sæti á 9 höggum yfir pari (76-74-75 höggum).
Þetta var í tólfta sinn sem hinn Sigmundur Einar, sem varð Íslandsmeistari í höggleik árið 2006, tekur þátt á Evrópumóti. Hann hefur leikið á EM í öllum aldursflokkum nema EM öldunga.