Háskólagolfið: Viktor Ingi búinn með lokamót annarinnar
Viktor Ingi Einarsson GR og liðsfélagar hans í Missouri háskólanum voru á meðal keppenda á Hoakalei Invitational mótinu sem fór fram dagana 28.-30. október í bandaríska háskólagolfinu.
Um var að ræða síðasta mót annarinnar hjá Viktori en næsta mót hjá honum fer fram eftir áramót.
Viktor Ingi lék sem einstaklingur í mótinu en var þó betri en tveir félagar hans sem komust í liðið. Viktor lék hringina þrjá í mótinu á 3 höggum yfir pari. Besti hringurinn hans kom á öðrum keppnisdegi þegar hann lék á 70 höggum eða tveimur höggum undir pari en hann endaði í 52. sæti í einstaklingskeppninni af 114 keppendum.
Næsta mót hjá liðsmönnum Missouri skólans fer fram dagana 15.-16. febrúar. Hér er hægt að sjá lokastöðuna í mótinu.