Myndband: Dustin Johnson og Paulina Gretzky tilkynntu kyn barnsins á frumlegan hátt
Dustin Johnson og Paulina Gretzky eru ef til vill eitt þekktasta par innan golfheimsins, en Dustin er efsti maður heimslistans og Paulina er dóttir besta hokkí spilara allra tíma. Þau hafa verið saman síðan árið 2012 og eiga saman eitt barn.
Nú er aftur á móti að fjölga hjá þeim, því þau eiga von á barni síðar á árinu. Á dögunum tilkynntu þau kyn barnsins og var það með heldur frumlegum hætti. Paulina birti myndskeið af Dustin vera slá bolta sem sprakk um leið og hann sló í hann með drævernum og kom þá í ljós hvert kynið var. Sjón er sögu ríkari, en myndbandið má sjá hér að neðan.
