Myndband: Kuchar byrjaði á 64 höggum
Bandaríkjamaðurinn Matt Kuchar fór vel af stað á Genesis Invitational mótinu sem hófst í dag á PGA mótaröðinni.
Þegar fréttin er skrifuð er Kuchar þremur höggum á undan næstu mönnum í efsta sætinu en hann er á 7 höggum undir pari eftir fyrsta keppnishringinn.
Alls fékk Kuchar 7 fugla á hringnum og tapaði ekki höggi á hinum frábæra Riviera golfvelli í Los Angeles.
Hér fyrir neðan má sjá nokkur af bestu höggum Kuchar á hringnum sem er í leit að sínum 10. titli á PGA mótaröðinni.
